काठमाडौँ । त्रिभुवन अन्तराष्ट्रिय विमानस्थल बन्द भएको छ । काठमाडौँबाट पोखरा जाने क्रममा सौर्य एयरलाइन्सको ९ एन–एएमई/सीआरजे २०० कलसाइनको जहाज दुर्घटना भएपछि विमानस्थल केही बेरका लागि बन्द भएको हो ।
दुर्घटना भएको सौर्य एयरलाइन्सको जहाजमा सवार १८ जनाको मृत्यु पुष्टी भएको छ । उद्धारमा खटिएका सुरक्षाकर्मीले विमानमा सवार १९ जनामध्ये १८ जनाको मृत्यु भएको पुष्टी गरेका हुन् ।
जहाजका क्याप्टेन ३७ वर्षीय मनीष शाक्यको जीवितै उद्धार गरिएको थियो । उनको टाउको चोट लागेको भए पनि अवस्था भने खतरामुक्त रहेको अस्पताल स्रोतले बताएका छ । हाल शाक्यको केएमसी अस्पतालमा उपचार भइरहेको छ ।
दुर्घटनामा परेको सौर्यको जहाजमा चालक दलका यात्रुसहित १९ जना सवार रहेका थिए । जहाज त्रिभुवन अन्तराष्ट्रिय विमानस्थलको रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको थियो ।
