काठमाडौँ । साताको कारोबारको तेश्रो दिन मंगलबार सेयर बजारमा करेक्सन देखिएको छ । सोमबारको तुलनामा आज नेप्से परिसूचक ८.१८ अंकले घटेर २९२३ .४६ बिन्दुमा पुगेको हो ।

नेप्सेमा कुल ३ सय ३२ कम्पनीको ५ करोड २७ लाख ६४ हजार ८ सय ३२ कित्ता सेयर खरिदबिक्री हुँदा २१ अर्बमाथिको सेयर कारोबार भएको छ ।

त्यस्तै, मंगलबार सबैभन्दा धेरै नाफा मातृभूमि लघुवित्त वित्तीय संस्था लिमिटेडका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । आजको बजारमा ३ कम्पनीको सेयर मूल्यमा पोजेटिभ सर्किट लागेको छ ।

यता, नेपाल फाइनान्सका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य ९ प्रतिशतभन्दा धेरैले घटेको हो ।