काठमाडौँ । टर्की पठाउने भन्दै रकम ठगी गर्ने एक जना पक्राउ परेका छन् । पक्राउ पर्नेमा कपिलवस्तु जिल्ला बाणगंगा नगरपालिका वडा नं. ७ घर भई हाल काठमाडौँ महानगरपालिका वडा नं. १४ कलंकी बस्ने ५१ वर्षीय लिला बहादुर खड्का रहेका छन् ।

खड्कालाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले काठमाडौँ महानगरपालिका वडा नं. १३ बाफलबाट पक्राउ गरेको हो ।

प्रहरीका अनुसार उनले एक जनालाई टर्की पठाउने भन्दै ७ लाख रुपैयाँ ठगी गरेका थिए । हाल उनलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।