काठमाडौँ । उपभोक्ता बजारमा सुनको अर्डर क्यान्सिल गर्नेहरु बढेका छन् । पछिल्लो दुई दिनमै सुनको मूल्यमा ऐतिहासिक गिरावट आएपछि अर्डर क्यान्सिल गर्नेहरु बढेका हुन् । 

पछिल्लो दुई दिन (सोमबार र मंगलबार) मा मात्रै सुनको मूल्य १८ हजार पाँच सय रुपैयाँले घटेको छ । 

सोमबार सरकारले भन्सार शुल्क घटाएसँगै सुनको मूल्य तोलामै १५ हजार ९ सय रुपैयाँले घटेको थियो । त्यसको भोलिपल्ट अर्थात मंगलबार पनि सुनको मूल्य तोलामा २ हजार ६ सय रुपैयाँले घटेको थियो । 

सुनको मूल्य दुई दिनमै अप्रत्याशित ढंगले घटेपछि सुनको अर्डर गर्नेहरुले अर्डर क्यान्सिल गर्न थालेका छन् । सुनको मूल्य घटेसँगै अहिले सुन किन्नेसँगै सुनको अर्डर क्यान्सिल गर्नेहरु बढेको सुन व्यवसायीहरुले बताएका छन् । ‘सुनको मूल्य दुई दिनमै नपत्याउनेगरी घट्यो । सुनको मूल्य घटेपछि मूल्य महँगो हुँदा अर्डर गर्नेहरुले अर्डर क्यान्सिल गर्न थालेका छन् ।’, ती व्यवसायीले भने । 

योसँगै अहिले बजारमा सुनको सर्टेज देखिएको छ । मूल्य घट्दा सुन किन्नेहरु ह्वात्तै बढेपछि बजारमा सुनको सर्टेज भएको हो । तर, कतिपयले भने माग ह्वात्तै बढेपछि बजारमा सुनको कालोबजारी भएको दाबी गरेका छन् ।