काठमाडौँ । कर्पोरेट ब्रोकरहरुले विशेष भेटघाट तथा छलफल कार्यक्रम आयोजना गरेका छन् । हिमालयन सेक्युरिटिज लिमिटेडको कार्यालयमा आयोजित एक विशेष कार्यक्रमका बीच कर्पोरेट ब्रोकरहरुले सेयर बजारका विभिन्न आयामहरुका बारे छलफल गरेका हुन् ।
छलफलमा वर्तमान पुँजीबजार, पुँजी बजारका नियामक, कर्पोरेट ब्रोकरहरुको विद्यमान स्थिति, सम्भावना र चुनौतीहरुका विषय समेटिएका थिए ।
सेयर बजारका विद्यामान अभ्यासहरुका बारेमा समेत सो छलफल केन्द्रित रहेको र छलफल निकै उपयोगी रहेको सहभागीहरुले जनाएका छन् । छलफलका क्रममा स्टक ब्रोकर एशोसिएसन नेपालको सदस्यता लिने वा नलिने भन्ने विषयमा छलफल भएको समेत भएको थियो ।
यद्यपि सो एशोसिएसनमा आबद्धताका विषयमा अन्तिम निर्णय भने गरिनसकिएको बताइएको छ । कर्पोरेट क्षेत्रले लगानी गरेका कुल १३ ब्रोकर सञ्चालनमा छन् ।
