काठमाडौँ । पूर्वप्रधानमन्त्री एवम् माओवादी केन्द्रका अध्यक्ष पुष्पकमल दाहाल (प्रचण्ड)ले जनताले आफूलाई माया गर्न थालेको बताएका छन् । भक्तपुरमा आयोजित एक कार्यक्रमलाई सम्बोधन गर्दै प्रचण्डले पछिल्ला दिन नेपाली जनताले आफूलाई माया गर्न थालेका बताएका हुन् ।
उनले जनताले फेरि पनि एकपटक माओवादीको नेतृत्वको सरकार बनेको हेर्न चाहेको पनि उल्लेख गरेका छन् ।
‘आजकाल मलाई त जनताले एकदम माया गरेको देखेको छु । धेरैले अब नेपालको भरोसा तपाईंमा मात्रै छ भन्न थालेका छन् ।’, प्रचण्डले भने, ‘जनताले फेरि एकपटक सरकारमा माओवादीलाई हेर्न खोजेको छ । यो ठूलो जिम्मेवारी हो ।’
त्यस्तै, प्रचण्डले आफू सरकारमा हुँदा भ्रष्टाचार विरोधी अभियान चलाएकै कारण आफू सत्ताबाट हट्नुपरेको पनि बताएका छन् ।
