काठमाडौँ । ग्लोबल आइएमई लघुवित्त वित्तीय संस्था लिमिटेडले लाभांश नदिने भएको छ ।

लघुवित्तको पुस २ गते बसेको संचालक समितिको बैठकले गत वर्षको नाफाबाट सेयरधनीलाई लाभांश नदिने निर्णय गरेको हो । योसँगै ग्लोबल आइएमई लघुवित्तका सेयरधनीको हात खाली भएको छ ।

गत वर्ष भने लघुवित्तले सेयरधनीलाई १० प्रतिशत लाभांश वितरण गरेको थियो ।

लघुवित्तले आर्थिक वर्ष २०८०/८१ को वित्तीय विवरण नियामक नेपाल राष्ट्र बैंकमा पेश गर्ने जानकारी गराएको छ ।