काठमाडौं । काठमाडौं फोटोग्राफर संघले ‘केपीए वेडिङ फोटो अवार्ड २०२४’ सम्पन्न गरेको छ ।   संघले उक्त  कार्यक्रम भव्यताका साथ राष्ट्रिय नाचघर जमलमा सम्पन्न गरेको हो । देशैभरका विवाहमा खिचिएका विभिन्न जात जातिका धर्म संस्कृति झल्किने खालका तस्बिरहरूको संकलन गरी मुख्य विधामा १०० , pre-  wedding post -wedding तर्फ सहायक विधामा २० मध्यका फोटोहरू र उत्कृष्ट भिडियोहरु मध्येबाट ५ भिडियोहरुलाई  संघले अवार्ड वितरण गरेको थियो।

उक्त अवार्ड कार्यक्रममा उत्कृष्ट १० मा पर्न सफल फोटोग्राफरहरू संजय मगर ,ओम प्रकाश कुसुवाहा, लक्ष्मीपति पौडेल , सौगात भट्ट , प्रकाश गौतम , महेश डंगोल, रामबहादुर तामाङ , रत्नबहादुर बस्नेत, आकाश कुमार चौधरी , सानुकाजी महर्जन रहेका थिए । उत्कृष्ट फोटो मध्य पहिलो स्थान ओगट्न सफल सञ्जय मगरले फुल फ्रेम मिररलेस क्यामेरा सहित विभिन्न उपहारहरू प्राप्त गरेका छन् । यस्तै  दोस्रो र तेस्रो स्थान क्रमश ओमप्रकाश कुसुवाह र लक्ष्मीपति पौडेलभएका छन्  भने सहायक बिधामा प्रि पोस्ट वेडिङतर्फ उत्कृष्ट प्रथम दिपक मैनाली, द्वितीय अजय बुढाथोकी, तृतीय स्थान कर्णबहादुर तिवारी र भिडियोतर्फ उत्कृष्ट भिडियो बनाउन सफल पशुपति श्रेष्ठले ड्रोन क्यामेरा सहित विभिन्न उपहारहरू प्राप्त गरेका छन् ।

उक्त फोटो र भिडियो सङ्कलन गर्ने क्रममा उक्त कार्यक्रमका संयोजक आनन्द प्रभाकर घिमिरेले देशैभरबाट संकलन भएका फोटो तथा भिडियोहरू उत्कृष्ट रहेको र निर्णायक मण्डलबाट आएको नतिजालाई सार्वजनिक गरेको कुरा बताएका छन्।

यस्तै  कार्यक्रमका  प्रमुख अतिथि संस्कृति पर्यटन तथा उडयन मन्त्री पौडेलले सबै फोटोहरू उत्कृष्ट रहेको र नेपाली संस्कृति र परम्परामा आधारित सम्पूर्ण विवाहमा खिचिएका तस्बिरहरु र भिडियोहरूले नेपाली परम्परा र संस्कृतिको जगेर्ना गर्ने बताए । उक्त कार्यक्रमको सञ्चालन दीपक समिर तथा एलिजा कुतालले गरेका थिए । उक्त कार्यक्रममा सभापतिको भूमिका निर्वाह गरेका  सङ्घका अध्यक्ष हरिप्रसाद घिमिरेले देशै भरबाट फोटो र भिडियो पठाई सहयोग गर्ने  सम्पूर्ण फोटोग्राफरहरुप्रति आभार व्यक्त गरेका थिए ।

उक्त उत्कृष्ट १२० फोटो तथा भिडियोहरूलाई २०८१ पौष १३ गते ११ बजेदेखि ४ बजेसम्म नेपाल कला परिषदमा प्रदर्शनीको लागि राखिएको थियाे।