काठमाडौँ । दुबई पठाइदिने भन्दै रकम ठगी गरेको आरोपमा एक जना पक्राउ परेका छन् । पक्राउ पर्नेमा ललितपुरको महालक्ष्मी नगरपालिका-६ बस्ने ४६ वर्षीय मन्जित चित्रकार रहेका छन् ।
उनले आकर्षक तलबको प्रलोबन देखाएर दुबई पठाइदिने भन्दै ४ लाख रुपैयाँ ठगी गरेका थिए । चित्रकार सम्पर्क विहीन भएको भन्दै पीडितले प्रहरी समक्ष उजुरी दिएका थिए ।
काठमाडौँ उपत्यका अपराध अनुसन्धान कार्यालयबाट खटिएको प्रहरीको टोलीले सोही उजुरीको आधारमा चित्रकारलाई काठमाडौँबाट बिहीबार पक्राउ गरेको हो।
