काठमाडौँ । मुक्तिनाथ विकास बैंक लिमिटेडले सेयरधनीको हात खाली बनाएको छ । बैंकले गत आर्थिक वर्षको मुनफाबाट सेयरधनीलाई लाभांश नदिएर हात खाली बनाएको हो ।

बैंकको पुस १ गते बसेको संचालक समितिको बैठकले गत आर्थिक वर्ष २०८०/८१ को वित्तीय विवरणबाट कायम भएको वितरणयोग्य मुनाफालाई लाभांश वितरण नगरी सञ्चित मुनाफा खातामा राख्ने निर्णय गरेको हो ।

बैंकले लाभांश वितरण नगर्ने निर्णय गरेसँगै सेयरधनीहरु निराश भएका छन् ।

मुक्तिनाथले आर्थिक वर्ष २०७९/८० मा भने १०. २६ प्रतिशत लाभांश वितरण गरेको थियो ।