काठमाडौँ । नेपाल हाइड्रो डेभलपर्स लिमिटेडले लाभांश घोषणा गरेको छ । कम्पनीले गत आर्थिक वर्षको मुनफाबाट आफ्ना सेयरधनीका लागि ८ . ४२ प्रतिशत लाभांश घोषणा गरेको हो ।
कम्पनीको संचालक समितिको बैठकले ८ प्रतिशत बोनस सेयर र कर प्रयोजनका लागि ०.४२ प्रतिशत लाभांश दिने निर्णय गरेको हो ।
उक्त प्रस्तावित लाभांश कम्पनीको आगामी साधारणसभाबाट पारित भएपछि मात्र सेयरधनीले पाउने छन् ।
लाभांश पारित गर्नका लागि नेपाल हाइड्रो डेभलपर्सले पुस २५ गते साधारणसभा बोलाएको छ । सभा लिसारा रिसेप्सन्स नक्साल काठमाडौंमा बिहान ११ बजेदेखि सुरु हुनेछ ।
