काठमाडौँ । मंगलबार सेयर बजार मापक नेप्से परिसूचक घटेको छ । आज नेप्से परिसूचक ३३.०८ अंकले घटेर २५७६.५० बिन्दुमा पुगेको हो ।
नेप्सेमा कुल ३ सय ८ कम्पनीको एक करोड ३१ लाख ७४ हजार ३ सय ७९ कित्ता सेयर खरिद बिक्री हुँदा ५ अर्ब ६७ करोडमाथिको सेयर कारोबार भएको छ । आज सबैभन्दा धेरै कारोबार प्रभु बैंक लिमिटेडको भएको छ । यस कम्पनीको ३५ करोड ९४ लाख ९२ हजार ३४ रुपैयाँ ८० पैसा बराबरको कारोबार भएको छ ।
त्यस्तै, नाडेप लघुवित्त वित्तीय संस्थाका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ४ प्रतिशतभन्दा धेरैले बढेको हो ।
यता, सपोर्ट माइक्रोफाइनान्सका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको छ । आजको बजारमा सपोर्ट माइक्रोफाइनान्ससहित तीन कम्पनीको सेयर मूल्यमा नेगेटिभ सर्किट लागेको छ ।
