काठमाडौँ । पूर्वगृहमन्त्री एवम् राष्ट्रिय स्वतन्त्र पार्टी (रास्वपा)का सभापति रवि लामिछानेलाई बयानका लागि चितवन लगिएको छ । लामिछानेलाई आज (मंगलबार) बिहान चितवन लगिएको हो ।

सहकारी ठगी प्रकरणमा पक्राउ परेका लामिछानेविरुद्ध चितवनमा पनि उजुरी परेपछि उनलाई बयानका लागि काठमाडौँबाट चितवन लगिएको प्रहरीले जनाएको छ । 

चितवनमा सहारा चितवन सहकारीका बचतकर्ताले सहकारीमा भएको रकम हिनामिना प्रकरणमा रविविरुद्ध मंसिर ५ गते पूरक जाहेरी दिएका थिए । सोही जाहेरीमाथिको अनुसन्धानका लागि लामिछानेलाई चितवन लगिएको हो । 

कास्कीबाट बयानका लागि काठमाडौँ ल्याइएका रविलाई यसअघि बयानका लागि रूपन्देही लगिएको थियो ।