काठमाडौँ । लुम्बिनीमा दान बापत करिब डेढ करोड रुपैयाँ सङ्कलन भएको छ । चालु आर्थिक वर्ष २०८१/८२ मै दोस्रो पटक गणना गरिएको मायादेवी मन्दिरको दानपेटिकाबाट १ करोड ४३ लाख ५९ हजार ९ सय ९० रुपैयाँ सङ्कलन भएको हो । 

लुम्बिनी विकास कोषका अनुसार उक्त रकम पुष १८ गतेदेखि २३ गतेसम्म (५ दिन) लगाएर गणना गरिएको हो ।

दानपेटिका स्थानीय तह, सुरक्षाकर्मी, प्रहरी र अन्य सरोकारवालाहरूको उपस्थितिमा खोलिएको थियो । दानपेटिकाको रकम सरोकारवाला निकायहरुकै उपस्थिति र सिसिटिभी क्यामेराको निगरानीमा कोषका ३२ जना कर्मचारी खटाएर गणना गरिएको कोषले जनाएको छ । 

दान बापत सङ्कलन भएको आम्दानीबाटै कोषको आन्तरिक खर्च व्यवस्थापन हुँदै आएको छ ।