काठमाडौँ । हिमालयन लाइफ इन्स्योरेन्सले सेयरधनीलाई लाभांश दिने भएको छ । कम्पनीको माघ ४ गते बसेको सञ्चालक समितिको बैठकले आफ्ना सेयरधनीलाई १४ प्रतिशत बोनस सेयर दिने घोषणा गरेको हो ।

८ अर्ब २ करोड ३ लाख ८६ हजार रुपैयाँ चुक्ता पुँजी रहेको कम्पनीले सेयरधनीलाई १ अर्ब १२ करोड २८ लाख ५३ हजार रुपैयाँ बराबरको बोनस सेयर दिने घोषणा गरेको छ ।

बोनस सेयरमा लाग्ने कर भने लगानीकर्ता स्वयम् आफैँले तिर्नुपर्नेछ ।

कम्पनीले सेयरधनीका लागि प्रस्ताव गरेको लाभांश स्वीकृतिका लागि नेपाल बीमा प्राधिकरण पठाइएको छ । प्राधिकरणको स्वीकृति र कम्पनीको वार्षिक साधारणसभाले पारित गरेसँगै सेयरधनीमा वितरण गरिनेछ ।