Skip to content
LAXMI SUNRISE BANK

राष्ट्र बैंकले नष्ट गर्यो ७ खर्ब ६५ अर्ब बढीका झुत्रा र च्यातिएका नोट

अर्थ सरोकार

काठमाडौँ । नेपाल राष्ट्र बैंकले ७ खर्ब ६५ अर्ब ७४ करोड रुपैयाँ बराबरका पुराना र च्यातिएका नोटहरु नष्ट गरेको छ । चलनचल्तीका लागि अयोग्य, झुत्रा, मैला र च्यातिएका नोटहरु नष्ट गरिएको राष्ट्र बैंकले जनाएको छ । 

राष्ट्र बैंकका अनुसार सर्वसाधारणहरुले बैंक तथा वित्तीय संस्थामा जम्मा गर्न ल्याएका त्यस्ता नोटहरु नष्ट गरेर त्यसबाट ब्रिकेट बनाइएको छ ।

यसो त २०८३ साल असार मसान्तसम्म कुल ८ खर्ब ७ अर्ब रुपैयाँ मूल्य बराबरका नोट चलनचल्तीमा छन् । अघि वर्षको सोही अवधिमा ७ खर्ब ६१ अर्ब ४१ करोड रुपैयाँ बराबरका नोट चलनचल्तीमा थिए ।

यता २०८३ असार मसान्तसम्म विभिन्न दरका ८८ अर्ब ९४ करोड ८ लाख ५० हजार रुपैयाँ बराबरका नोट मौज्दात रहेको राष्ट्र बैंकले जनाएको छ । 

Hamro Patro Remit

प्रतिक्रिया दिनुहोस्

GARIMA BIKAS BANK