काठमाडौँ । काठमाडौँ महानगरपालिकाले कुखुरा बोक्ने गाडीलाई कारवाही गरेको छ । सडकमा भुत्लासहित फोहोर गरेको भन्दै महानगरले कुखुरा बोक्ने गाडीलाई कारवाही गरेको हो । 

महानगरले उक्त गाडीका धनी राजकुमार ढुंगानालाई कारवाहीस्वरुप १५ हजार रुपैयाँ जरिवाना तिराएको छ । 

काठमाडौँ-१५ स्थित सडक पेटीमा कुखुरा बोक्ने गाडीले कोल्डस्टोरमा कुखुरा झारेपछि सडकमा भुत्लासहित फोहोर गरेको भन्दै कारवाही गरिएको महानगरले जनाएको छ । 

पछिल्लो समय सडक फोहोर गर्नेहरुप्रति कठोर बनेको महानगरपालिकाले सडक फोहोर गर्नेहरुलाई धमाधम कारवाही गर्दै आएको छ ।