काठमाडौँ । वैदेशिक रोजगारीका लागि पोल्याण्ड पठाउने भन्दै रकम ठगी गर्ने एक जना पक्राउ परेका छन् । पक्राउ पर्नेमा मोरङ जिल्लाउर्लाबारी नगरपालिका वडा नं. ५ नमुनाटोल घर भई हाल ललितपुर महानगरपालिका वडा नं.  २७, सुनाकोठी बस्ने ४५ वर्षिया भुमिका देवान रहेकी छिन् ।

उनले एक जनालाई आकर्षक तलबको प्रलोभनमा पारेर पोल्याण्ड पठाउने भन्दै एक लाख रुपैयाँ ठगी गरेकी थिइन् । पीडितले दिएको जाहेरीका आधारमा उनलाई काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले पुष २५ गते सुनाकोठीबाट पक्राउ गरेको हो ।

हाल उनलाई थप अनुसन्धान तथा आवश्यक कारवाहीका लागि वैदेशिक रोजगारी विभाग पठाईएको छ ।