काठमाडौँ । वैदेशिक रोजगारीको लागि अमेरिका पठाउने भन्दै रकम ठगी गर्ने व्यक्ति पक्राउ परेका छन् । पक्राउ पर्नेमा कन्चनपुर शुक्लाफाँटा नगरपालिका १ घर भइ हाल काठमाडौँ टोखा बस्ने २५ वर्षीय भुवन कार्की रहेका छन् ।
उनले बेरोजगार युवायुवतीलाई आकर्षक तलबको प्रलोभनमा पारेर अमेरिका पठाउने भन्दै तीन जनाबाट एक करोड रुपैयाँ लिएर ठगी गरेका थिए ।
काठमाडौँ उपत्यका अपराध अनुसन्धान कार्यालयको टोलीले कार्कीलाई उक्त आरोपमा पक्राउ गरेको हो । पक्राउ परेका कार्कीलाई थप अनुसन्धानका लागि जिल्ला प्रहरी परिसर काठमाडौँ पठाइएको प्रहरीले जनाएको छ ।
