काठमाडौँ । प्रधानमन्त्री केपी शर्मा ओलीको स्वास्थ्यमा समस्या देखिएको छ । बुधबार ओलीको स्वास्थ्यमा अचानक समस्या देखिएको हो ।

ओलीको स्वास्थ्यमा अचानक समस्या देखिए पनि अवस्था सामान्य रहेको प्रधानमन्त्रीको सचिवालयले जनाएको छ । सचिवालयका अनुसार चिसोका कारण ओलीको स्वर भासिएको छ ।

बोल्न पनि अफ्ठ्यारो भएपछि ओलीले दैनिक तालिका अनुसार कामहरु स्थगित गरेर बालुवाटारमा आराम गरिरहेका छन् ।

ओलीको स्वास्थ्यमा समस्या देखिएकै कारण बुधबार हलचोकमा सशस्त्र प्रहरी दिवस–२०८१ को अवसरमा आयोजित कार्यक्रममा पनि उनी अनुपस्थित भएका छन् । प्रधानमन्त्री अनुपस्थित भएपछि गृहमन्त्री रमेश लेखक प्रमुख अतिथिका रुपमा कार्यक्रममा उपस्थित छन् ।