काठमाडौँ । अवैध सुन तस्करीको आरोपमा ४ जना पक्राउ परेका छन् । बिहीबार काठमाडौँको त्रिभुवन अन्तराष्ट्रिय विमानस्थलबाट पौने ४ किलो सुनसहित तीन जना महिला र एक जना पुरुष पक्राउ परेका हुन् ।
फ्लाई दुबईको एफजेएड ५७५ उडानबाट नेपाल आएका उनीहरुलाई विमानस्थल प्रहरीले पक्राउ गरेको हो ।
प्रहरी स्रोतका अनुसार पक्राउ परेका तीन जना महिलाले मलद्वारमा लुकाएर सुनको तस्करी गर्दै गरेका थिए । उनीहरुसँगै एउटै समूहमा भएकाले एक पुरुषलाई पनि पक्राउ गरिएको छ । उनको साथबाट भने सुन नभेटिएको प्रहरीले जनाएको छ ।
पक्राउ परेकाहरु उज्बेकिस्तानका नागरिक हुन् । उनीहरुको पासपोर्टमा नाम अखमदजनोभ्ना डिल्फुजा मारिफालिब, इस्राइलोभ्ना साओदत फैजिवाm गलामनोभन उमिदा अखमेदोभ र सरदार तुर्सुनोभ छ ।
