काठमाडौँ । वैदेशिक रोजगार विभागले अवैधानिक प्रक्रियाबाट बेलायत नजान सचेत गराएको छ । विभागले एक सूचना जारी गर्दै अवैधानिक प्रक्रियाबाट नेपालीहरुलाई बेलायत नजान सचेत गराएको हो ।
मौसमी कामदार पठाउने भन्दै रकम उठाउने र अलपत्र पार्ने गरेको गुनासो बढेपछि अवैधानिक प्रक्रियाबाट बेलायत नजान सचेत गराएको विभागले जनाएको छ ।
सोही सूचनामार्फत विभागले हाल सरकारले बेलायतमा मौसमी कामदार पठाउने विषयमा कुनै पनि नीतिगत निर्णय नगरेको समेत सूचनामा उल्लेख गरेको छ ।
विभागले मौसमी कामदार पठाउने भन्दै कुनै पनि संस्था वा व्यक्तिसँग रकम लेनदेन नगर्न र अवैधानिक प्रक्रियाबाट जाने सोच वा योजना नबनाउन समेत अनुरोध गरेको छ ।
