काठमाडौँ । खल्ती र आईएमई पेबीच मर्जरको सम्झौता भएको छ । भुक्तानी सेवा प्रदायक कम्पनीहरु खल्ती र आईएमई पेबीच फागुन ४ गते मर्जरसम्बन्धी सम्झौता भएको हो ।

नेपाल राष्ट्र बैंकले स्वीकृति दिए लगतै  खल्ती र आईएमई पे मर्ज हुनेछन्  । मर्जर पश्चात् कम्पनीको नाम  ‘आईएमई खल्ती’ हुने भएको छ।

भुक्तानी सेवा प्रदायकहरुबीच यो पहिलो मर्जर हुन लागेको हो । हाल खल्तीको चुक्ता पूँजी ५ करोड रुपैयाँ र आईएमई पे को चुक्ता पूँजी ३० करोड रुपैयाँ छ ।