काठमाडौँ । काठमाडौँ महानगरपालिकाले अनुमतिबिना सडक खनेको भन्दै एक व्यक्तिलाई कारवाही गरेको छ । महानगरले वडा नम्बर २९ का टेकबहादुर कठायतलाई कारवाही गरेको हो ।
वडा कार्यालयको अनुमतिबिना सडक खनेको पाइएपछि कठायतलाई कारवाही गरिएको महानगरले जनाएको छ ।
महानगरले कारवाहीस्वरुप कठायतलाई ५० हजार रुपैयाँ जरिवाना तिराएको छ । उनले ब्यारिकेट नराखी सडक खनेको पाइएको महानगरको भनाई छ । अनुमतिबिना असुरक्षित ढंगले सडक खनेको पाइएपछि महानगरले कारवाही गरेको हो ।
त्यस्तै, महानगरले क्षेत्राधिकारभित्र सडक खन्दा अनिवार्य रुपमा स्थानीय तहबाट अनुमति लिनुपर्ने र ब्यारिकेट राखेर सुरक्षित रुपमा मात्रै निर्माण कार्य गर्नुपर्ने व्यवस्था गरेको छ ।
