काठमाडौँ । सिद्धार्थ प्रिमियर इन्स्योरेन्सले नगद लाभांश घोषणा गरेको छ । इन्स्योरेन्सले गत वर्षको मुनाफाबाट आफ्ना सेयरधनीलाई ३० प्रतिशत नगद लाभांश घोषणा गरेको हो ।

कम्पनीको माघ २१ गते बसेको सञ्चालक समिति बैठकले ३० प्रतिशत नगद लाभांश (कर सहित) दिने निर्णय गरेको हो ।

उक्त प्रस्तावित लाभांश नेपाल बिमा प्राधिकरण र कम्पनीको आगामी साधारणसभाले स्वीकृत गरेपछि सेयरधनीलाई वितरण हुनेछ ।

यसअघि इन्स्योरेन्सले आर्थिक वर्ष २०७९/८० को नाफाबाट ११ प्रतिशत नगद लाभांश दिएको थियो ।