काठमाडौँ । पछिल्लो ८ महिनामा छुर्पीको निर्यात ह्वात्तै बढेको छ । भन्सार विभागको तथ्यांक अनुसार चालु आर्थिक वर्षको ८ महिना (साउनदेखि फागुनसम्म) मा छुर्पीको निर्यात २३ करोड रुपैयाँले बढेको हो ।
यसअवधिमा नेपालबाट ६४ करोड रुपैयाँ बराबरको छुर्पी निर्यात गरिएको छ ।
साउनदेखि फागुनसम्म सो मूल्य बराबरको ३ लाख ६९ हजार ६ सय ६८ किलो छुर्पी निर्यात भएको भन्सार विभागले जनाएको छ । विभागको अनुसार परिमाणका आधारमा यो अवधिमा नेपालबाट १ लाख ४० हजार ३ सय २० किलो बढी छुर्पी निर्यात भएको छ ।
नेपालको छुर्पी अमेरिका, अस्ट्रेलिया लगायतका देशमा घरपालुवा कुकुर र बिरालोले रुचाएपछि माग बढ्दा निर्यात पनि बढेको वीरगञ्ज भन्सार कार्यालयले जनाएको छ ।
