काठमाडौँ । सान्भी इनर्जीले प्राथमिक सेयर (आईपीओ) निष्कासनको अनुमति पाएको छ ।
नेपाल धितोपत्र बोर्डले कम्पनीलाई ३७ लाख ९० हजार कित्ता सेयर निष्कासनका लागि अनुमति दिएको हो ।
कम्पनीका अनुसार प्रभावित स्थानीय र सर्वसाधारणलाई यो कम्पनीको सेयर अंकित मूल्य १ सय रुपैयाँका दरले निष्कासन हुनेछ । आईपीओ निष्कासनका लागि कम्पनीको बिक्री प्रबन्धकमा नेपाल एसबीआई मर्चेन्ट बैंकिङ रहेको छ ।
कम्पनीले सान्भी इनर्जीले इलामको सूर्योदय नगरपालिकामा ६.७ मेगावाटको आयोजना सञ्चालन गरिरहेको छ ।
