काठमाडौँ । भायानेट कम्युनिकेशन लिमिटेडले ‘साम्बा प्याक’ सार्वजनिक गरेको छ । चर्चित नेपाल महिला राष्ट्रिय फुटबल टोली खेलाडी साम्बाबाट प्रेरित यो इन्टरनेट योजना उच्च गतिको, भरपर्दो, र किफायती सेवाका लागि डिजाइन गरिएको कम्पनीले जनाएको छ ।
साम्बा प्याकअन्तर्गत ५० एमबिपीएस, १०० एमबिपीएस, २०० एमबिपीएस, र ३०० एमबिपीएस इन्टरनेट योजना उपलब्ध छन् । विशेषगरी, १०० एमबिपीएस वा सोभन्दा माथिको वार्षिक योजनामा ग्राहकहरूले एक महिना इन्टरनेट निःशुल्क प्राप्त गर्नेछन् । १०० एमबिपीएसको मूल्य रु. ८,५०० (कर सहित) बाट सुरु हुनेछ ।
भायानेट कम्युनिकेशन लिमिटेड नेपालका अग्रणी फाइबर इन्टरनेट सेवा प्रदायकहरूमध्ये एक हो । कम्पनीले उच्च-गति, भरपर्दो, र गुणस्तरीय इन्टरनेट सेवा प्रदान गर्दै आएको छ । डिजिटल युगमा व्यक्तिहरू र व्यवसायहरूलाई सक्षम बनाउन कम्पनीले नवीनतम प्रविधिहरूको प्रयोग गर्दै सेवा सुधार्न निरन्तर प्रयास गरिरहेको छ ।
