काठमाडौँ । प्रधानमन्त्री केपी शर्मा ओलीकी धर्मपत्नी राधिका शाक्यले शक्तिको दुरुपयोग गरेर कसैलाई जागिर नखुवाएको दाबी गरेकी छिन् । ‘करुणा’ पुस्तकको लोकार्पण गर्दै उनले यस्तो बताएकी हुन् । 

प्रधानमन्त्री ओलीसँग विवाह गरेको ३८ वर्ष पूरा भइसकेको भन्दै उनले ओली गृहमन्त्री, परराष्ट्रमन्त्री, ४ पटक प्रधानमन्त्री हुँदा पनि शक्तिको दुरुपयोग गरेर कसैलाई कुनै काम नदिलाएको बताएकी छिन् । 

उनले पदको दुरुपयोग गरेर जागिर खुवाएको आरोप लगाउनेहरुलाई उक्त आरोप पुष्टि गर्न पनि चेतावनी दिएकी छिन् । त्यस्तै, उनले कार्यकर्ता व्यवस्थापनबारे आफू जानकार नरहेको र आफूले कुनै पनि राजनीतिक कार्यमा हस्तक्षेप नगर्ने र नगरेको पछि बताएकी छिन् । 

त्यस्तै, शाक्यले आफूलाई कुनै लोभ, अवसर खोज्ने चाहना र महत्वकांक्षा नरहेको पनि स्पष्ट पारेकी छिन् ।