काठमाडौँ । गृहमन्त्री रमेश लेखकले आफूले एक रुपैयाँ पनि भ्रष्टाचार गरेको पुष्टि भए राजनीतिबाटै राजिनामा दिने बताएका छन् । सञ्चारकर्मीसँगै कुराकानी गर्दै उनले यस्तो घोषणा गरेका हुन् ।
उनले आफ्नो विरुद्धमा नियोजित र षड्यन्त्रमुलक ढंगबाट झुटो प्रचारबाजी भइरहेको बताएका छन् । त्रिभुवन अन्तराष्ट्रिय विमानस्थलको अध्यागमनको भिजिट भिसाको विषय मात्रै नभइ आफ्नो सार्वजनिक र राजनीतिक जीवनमा पनि एउटा मात्रै आर्थिक अनियमितता गरेको कसैले प्रमाणित गरे पदबाट मात्र नभइ राजनीतिबाटै राजीनामा दिने लेखकले बताएका छन् ।
आफूमाथि प्रश्न उठेपछि जवाफ दिन प्रतिनिधि सभाको बैठकमा समय माग गरेको भन्दै लेखकले त्यही बेला सम्पूर्ण जानकारी दिने बताएका छन् । उनले गृह मन्त्रालय मातहत लाखौँ कर्मचारी रहेको भन्दै कर्मचारीमाथि प्रश्न उठ्दा मन्त्रीहरुले राजिनामा दिँदै जान सम्भव नरहेको पनि स्पष्ट पारेका छन् ।
त्यस्तै, गृहमन्त्री लेखकले आफ्ना विरुद्धमा राजनीतिक, नियोजित, षड्यन्त्रमुलक ढंगबाट झुटो प्रचारबाजी भइरहेको पनि बताएका छन् ।
