काठमाडौँ । शिवम् सिमेन्ट लिमिटेडको नाफा बढेको छ । चालु आर्थिक वर्षको तेस्रो त्रैमाससम्म कम्पनीको खुद नाफा ९६.०८ प्रतिशतले बढेको हो ।
कम्पनीले सार्वजनिक गरेको अपरिस्कृत वित्तीय विवरणअनुसार तेस्रो त्रैमाससम्म कम्पनीले ४० करोड ५ लाख रुपैयाँ खुद नाफा कमाएको छ । जबकी कम्पनीले गत आर्थिक वर्षको सोही अवधिमा २० करोड ४२ लाख रुपैयाँ खुद नाफा कमाएको थियो ।
यस अवधिमा कम्पनीको सञ्चालन आम्दानी १०.०१ प्रतिशतले घटेको छ भने कुल नाफा ३१.४३ प्रतिशतले बढेको छ । त्यस्तै, कम्पनीको अन्य आम्दानी २७.१० प्रतिशत र अन्य खर्च ७.८० प्रतिशत घटेको छ ।
समीक्षा अवधिमा कम्पनीको नाफासँगै प्रतिसेयर आम्दानी (ईपिएस) पनि बढेको छ । यस अवधिमा कम्पनीको ईपिएस ४ रुपैयाँ ३७ पैसाले बढेर ९ रुपैयाँ ७९ पैसा पुगेको छ । कम्पनीको प्रतिसेयर नेटवर्थ १८१ रुपैयाँ १० पैसा रहेको छ भने मूल्य आम्दानी अनुपात ५३.२३ गुणा रहेको छ । ५ अर्ब ४५ करोड ६८ लाख रुपैयाँ चुक्ता पूँजी रहेको यस कम्पनीको जगेडा कोषमा ४ अर्ब ४२ करोड ५६ लाख रुपैयाँ सञ्चित छ ।
