काठमाडौँ । काठमाडौँको पार्क भिलेज होटलमा चोरी भएको छ । बुढानिलकण्ठ नगरपालिका-३ स्थित पार्क भिलेज होटलमा सोमबार राती चोरी भएको हो । 

होटलबाट करिब ३ सय ३५ तोला बराबरको चाँदीका भाँडाकुँडाहरु चोरी भएको प्रहरीले जनाएको छ । प्रहरीका अनुसार चाँदीका भाँडाकुँडासहित एउटा ल्यापटप पनि चोरी भएको छ । 

प्रहरीका अनुसार होटलमा रहेको सीसीटिभी फुटेज हेर्दा रातिको समयमा चोर पीपीई र मास्क लगाएर होटल प्रवेश गरेको देखिएको छ । पीपीई र मास्क लगाएको सोही चोरले समान चोरी गरेको समेत सीसीटिभी फुटेजमा देखिएको छ । 

हाल चोरीमा संलग्न चोरको खोजीकार्य भइरहेको प्रहरीले जनाएको छ । सँगै घटनाबारे थप अनुसन्धान भइरहेको पनि प्रहरीले जनाएको छ ।