काठमाडौँ । वैदेशिक रोजगारीका लागि विभिन्न देश पठाउने भन्दै रकम ठगी गर्ने दुई जना पक्राउ परेका छन् । पक्राउ पर्नेमा ४१ वर्षीय विष्णुराज उप्रेती र ५८ वर्षीय शन्त कुमार चेम्जोङ रहेका छन् ।
उनीहरुलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो ।
प्रहरीका अनुसार पक्राउ परेका विष्णुराज उप्रेतीले एक जनालाई युएई पठाउने भन्दै ५ लाख ७३ हजार रुपैयाँ र शन्त कुमार चेम्जोङले लाटभिया पठाउने भन्दै १२ लाख रुपैयाँ ठगी गरेका थिए ।
हाल उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
