काठमाडौँ । नेकपा एमालेकी सांसद तुलसाकुमारी दाहालले जनसंख्याको आधारमा बजेट विनियोजन हुनुपर्ने बताएकी छिन् । आइतबारको राष्ट्रिय सभाको बैठकमा बोल्दै उनले यस्तो बताएकी हुन् ।

उनले बजेट विनियोजनमा जनसंख्याको असन्तुलनलाई ध्यान दिनुपर्ने बताइन् । कहीँ जनसंख्या पातलो हुने र कतै बढ्ने कुरालाई ध्यान दिएर सोही अनुसारको बजेट विनियोजन हुनुपर्नेमा त्यसो हुन नसकेको सांसद दाहालले जिकिर गरेकी छिन् ।

राष्ट्रिय जनसंख्या नीति परिमार्जन गरी ग्रामीण क्षेत्रको आधारभुत विकासको आधारशिला र जनताको आधारभुत आवश्यकता परिपूर्तिको लागि ठोस योजना ल्याउन आवश्यक रहेको उनले बताएकी छिन् । 

त्यस्तै, सांसद दाहालले खानेपानीका मुहानहरुको संरक्षणमा जोड दिनुपर्ने पनि बताएकी छिन् ।