काठमाडौँ । हामा स्टिलमा आगलागी भएको छ । मंगलबार बिहान कमलादीस्थित हामा स्टिलमा आगलागी भएको हो ।
आगलागीको सूचना पाएलगत्तै नेपाली सेनाको श्री नरसिंह दल गणले आगलागी नियन्त्रणका लागि तत्काल एक्सन लिएको थियो । पछि नेपाल प्रहरी, काठमाडौँ महानगरपालिकाको दमकल र स्थानीयको सहयोगमा आगलागी नियन्त्रणमा लिइएको छ ।
हाल हामा स्टिलमा लागेको आगो नियन्त्रणमा लिइसकिएको छ । तर, आगलागीको कारण भने खुलेको छैन ।
हामा स्टिलमा लागेको आगलागीपछि भएको क्षतिको विवरण पनि आउन बाँकी छ । हाल प्रहरीले आगलागीको घटनाबारे थप अनुसन्धान गरिरहेको छ । अनुसन्धानपछि मात्रै आगलागीको कारण र क्षतिको विवरण आउने प्रहरीले जनाएको छ ।
