काठमाडौँ । नेपाल बीमा प्राधिकरणले इजलास सञ्चालनमा ल्याएको छ । बीमा दाबी सम्बन्धी उजुरीहरूको सुनुवाइ गर्न प्राधिकरणले बिहीबारदेखि इजलास सञ्चालनमा ल्याएको हो ।

प्राधिकरणमा दायर भएका बीमा सम्बन्धी उजुरीहरू फर्छ्यौट गर्न छुट्टै कक्ष स्थापना गरी इजलास सञ्चालन गरिएको जनाइएको छ । इजलासले सुनुवाइ पनि सुरु गरिसकेको छ । बीमा कम्पनीबाट बीमा दाबीको भुक्तानी नपाएको भन्दै एक बीमितले दिएको उजुरीमाथि इजलासमा पक्ष तथा विपक्षका कानुन व्यवसायीहरूबाट बहस भएको थियो ।

प्राधिकरण सञ्चालकहरु अध्यक्ष शरद ओझाको अध्यक्षतामा मानबहादुर अर्याल, सन्तोष रिजाल र राधा पोखरेलको सहभागितामा बिहीबार नयाँ कक्षमा इजलास बसेको हो ।