काठमाडौँ । नेपाल राष्ट्र बैंकको प्रवक्तामा कार्यकारी निर्देशक (अधिकृत विशिष्ट श्रेणी) किरण पण्डित नियुक्त भएका छन् । पण्डित जेठ २१ देखि लागू हुने गरी प्रवक्तामा नियुक्त भएका हुन् ।

यस अघि राष्ट्र बैंकको प्रवक्तामा कार्यकारी निर्देशक रामु पौडेल थिए । गभर्नर प्रा.डा.विश्वनाथ पौडेलले कार्यकारी निर्देशक पौडेललाई मुद्रा व्यवस्थापन विभागमा सुरुवा गरेपछि प्रवक्ताको जिम्मेवार पण्डितलाई दिएका हुन् ।

वि.सं. २०६२ सालमा बैंक सेवामा प्रवेश गरेका पण्डितको बैंक सुपरिवेक्षण विभाग, बैंक तथा वित्तीय संस्था नियमन विभाग, वित्तीय समावेशिता तथा ग्राहक संरक्षण महाशाखा लगायतको कार्यानुभव रहेको छ ।