काठमाडौँ । नबिल बैंकको प्रमुख कार्यकारी अधिकृत (सीइओ)मा मनोज ज्ञवाली नियुक्त भएका छन् । बिहीबार बसेको बैंकको संचालक समितिको बैठकले कामु सीइओ रहेका ज्ञवालीलाई सीईओमा नियुक्त गरेको हो ।
गत चैत १० गतेदेखि लागू हुने गरी तत्कालीन सीइओ ज्ञानेन्द्र ढुंगानाले पदबाट राजीनामा दिएपछि बैंक सञ्चालक समितिले उनलाई कामु सीइओ नियुक्त गरेको थियो ।
नियामक नेपाल राष्ट्र बैंकमा समेत काम गरिसकेका ज्ञवाली चार्टर्ड एकाउन्टेन्ट हुन् । नायब महाप्रबन्धकबाट नबिल बैंक प्रबेश गरेका ज्ञवालीले महाप्रबन्धक, नायब प्रमुख कार्यकारी अधिकृत, वरिष्ठ नायब प्रमुख कार्यकारी अधिकृतको जिम्मेवारी सम्हालिसकेका छन् ।
