काठमाडौँ । नेपाल बैंकर्स संघका अध्यक्ष सन्तोष कोइरालाले आगामी मौद्रिक नीति बजेटको उद्देश्य र मर्म अनुसार आउनुपर्ने बताएका छन् । काठमाडौँमा आयोजित ‘प्रि मनिटरी पोलिसी डिस्कसन’ कार्यक्रममा बोल्दै अध्यक्ष कोइरालाले यस्तो बताएका हुन् ।
उनले मौद्रिक नीति र वित्त नीतिबीचको सामञ्जस्यताकै कारण मुलुकले खोजेको दिशा प्राप्त हुने भन्दै मौद्रिक नीति बजेटको उद्देश्य र मर्म अनुसार आउनुपर्नेमा जोड दिएका छन् ।
त्यस्तै, अध्यक्ष कोइरालाले अर्थमन्त्रीले वित्त नीति र मौद्रिक नीतिलाई सन्तुलन मिलाएर जाने कुरा गरेको भन्दै त्यसलाई सकारात्मक रुपमा लिनुपर्ने बताएका छन् । उनले वर्तमान अवस्था आवश्यकतलाई हेरेर राष्ट्र बैंकले आगामी नीति बनाउनुपर्ने पनि बताएका छन् ।
‘बैंक तथा वित्तीय क्षेत्रको वर्तमान अवस्था र स्थितिलाई हेरे केन्द्रिय बैंकले आगामी नीतिहरु अपाउन आवश्यक छ । एसेट म्यानेजमेण्ट स्थापन गर्ने कुरा चाँडै अगाडि बढ्छ भन्ने हाम्रो अपेक्षा छ ।’, उनले भने, ‘ नियो बैंकदेखि अप्ठ्यारोमा परेमा बैंक तथा वित्तीय संस्थालाई त्यही किसिमको ट्रीट गरेर जानुपर्छ ।’
