काठमाडौँ । वैदेशिक रोजगारीका लागि विभिन्न देश पठाउने भन्दै रकम ठगी गर्ने दुई जनालाई प्रहरीले पक्राउ गरेको छ । पक्राउ पर्नेमा ४० वर्षिया प्रमिला बरुवाल र ३४ वर्षीय मोहन पोख्रेल रहेका छन् ।
उनीहरुलाई काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले पक्राउ गरेको हो । प्रहरीका अनुसार उनीहरुले राम्रो देश, राम्रो काम र आकर्षक तलबको प्रलोभनमा पारेर पीडितबाट रकम ठगेर विदेश नपठाई फरार भएका थिए ।
पक्राउ परेकी प्रमिला बरुवालले युके पठाउने भन्दै पिडीतबाट ३२ लाख ३५ हजार र मोहन पोख्रेलले पोल्याण्ड पठाउने भन्दै १० लाख रुपैयाँ ठगी गरेका थिए ।
उनीहरुलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
