काठमाडौँ । कालिका लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्मको अपरिस्कृत वित्तीय विवरण प्रकाशित गरेको छ । लघुवित्तले प्रकाशित गरेको वित्तीय विवरण अनुसार गत आर्थिक वर्षको चौथो त्रैमाससम्म लघुवित्तको खुद नाफा ३६.४२ प्रतिशतले बढेको छ ।
समीक्षा अवधिमा लघुवित्तले १० करोड ८० लाख रुपैयाँ खुद नाफा कमाएको छ । जबकी अघिल्लो आर्थिक वर्षको सोही अवधिमा लघुवित्तको खुद नाफा ७ करोड ९२ लाख रुपैयाँ थियो ।
यस अवधिमा लघुवित्तको खुद ब्याज आम्दानी ५०.२९ प्रतिशत र अन्य सञ्चालन आम्दानी ८३.८८ प्रतिशत बढेको छ । त्यस्तै, लघुवित्तको कुल सञ्चालन आम्दानी पनि ५४.९८ प्रतिशतले बढेको छ भने सञ्चालन मुनाफा ९५.८९ प्रतिशतले बढेको छ ।
असार मसान्तसम्ममा लघुवित्तको वितरणयोग्य मुनाफा ६ करोड १९ रुपैयाँ छ । समीक्षा अवधिमा लघुवित्तको नाफासँगै प्रतिसेयर आम्दानी (ईपीएस) पनि बढेको छ । यस अवधीमा कम्पनीको ईपीएस ५ रुपैयाँ २३ पैसा बढेर २६ रुपैयाँ ५१ पैसा पुगेको छ । यसअवधिमा लघुवित्तको प्रतिशेयर नेटवर्थ १८६ रुपैयाँ ४४ पैसा रहेको छ भने मूल्य आम्दानी अनुपात ३९.९६ गुणा रहेको छ ।
४० करोड ७६ लाख रुपैयाँ चुक्ता पूँजी रहेको लघुवित्तको जगेडा कोषमा ३५ करोड २४ लाख रुपैयाँ सञ्चित छ ।
