चितवन । चितवनका प्रभावशाली युवा नेता दिपक गौतम राष्ट्रिय स्वतन्त्र पार्टी (रास्वपा)को केन्द्रिय मुद्रा तथा पुँजी बजार विभागको उप-प्रमुख पदमा मनोनित भएका छन् । पार्टीले आर्थिक क्षेत्रको विकास, नीति निर्माण र पुँजी बजारको प्रभावकारी व्यवस्थापनका लागि उहाँलाई यो गरिमामय जिम्मेवारी दिएको हो । दिपक गौतम चितवन क्षेत्रका युवाबीचमा अत्यन्त सक्रिय, योग्य र दूरदर्शी नेताको रूपमा चिनिन्छन् ।
उनले आर्थिक, सामाजिक तथा राजनीतिक क्षेत्रका विविध पहलुमा लामो समयदेखि योगदान दिँदै आएका छन् । यस मनोनयनसँगै चितवनको युवा नेतृत्वलाई राष्ट्रिय स्तरमा प्रतिनिधित्व गर्ने अवसर मिलेको छ भने राष्ट्रिय स्वतन्त्र पार्टीभित्र युवाको सहभागिता झनै बलियो भएको विश्लेषण गरिएको छ ।
रास्वपा यसरी पूँजीबजार सम्बन्धि विभाग नै बनाउने पहिलो पार्टी हो । पार्टीले देशैभरी यस विभागका थप संरचना निर्माणको कामसमेत गर्ने योजना बनाएको छ भने देशभर सेयर बजार सम्बन्धि नीति मन्थनसमेत गर्ने बताएको छ।
