काठमाडौँ । आईएमई पे र खल्ती मर्ज भएका छन् । दुई कम्पनी मर्ज भएर साउन १ गतेबाट एकीकृत कारोबार सुरु भएको छ ।
दुवै कम्पनी एकआपसमा मर्ज भएपछि ‘आइएमई खल्ती लिमिटेड’को नामबाट एकीकृत कारोबार सुरु भएको हो । नेपालमा पहिलो पटक भएको दुई वालेटबीचको यस एकीकरणलाई नेपाल राष्ट्र बैंकका डेपुटी गभर्नरको उपस्थितिमा याक एन्ड यतिमा एक भव्य समारोह गर्दै औपचारिक घोषणा गरिएको हो ।
नयाँ कम्पनी ‘आईएमई खल्ती लिमिटेड’ नाममा रजिस्टर्ड भएको छ भने एप ‘खल्ती बाई आईएमई’ नामबाट सञ्चालन हुनेछ । साबिकका आईएमई पेका प्रयोगकर्ताहरूका लागि ‘खल्ती बाई आईएमई’ मा माईग्रेट गर्ने सुविधा सार्वजनिक भइसकेको छ जसबाट आईएमई पे वालेटमा रहेको रकम, ब्याज, रिवार्ड प्वाइन्टहरू र सम्पूर्ण विवरणहरू नयाँ एपमा स्थानान्तरण हुनेछन्। खल्तीका प्रयोगकर्ताहरूले भने आफ्नो खल्ती एपलाई अपडेट गरी नयाँ एपको अनुभव गर्न सक्नेछन् ।
एकीकरण पश्चात् ५४.५४ करोड भन्दा बढी चुक्ता पुँजी भई ‘आईएमई बाइ खल्ती’ देखकै ठुलो डिजिटल वालेट बनेको छ । यस नयाँ सुरुवातले नेपाली डिजिटल अर्थतन्त्रमा नयाँ आयाम थप्ने विश्वास गरिएको छ । बाँकी तस्विरमा हेर्नुहोस् :
