काठमाडौँ । नेपालबाट विदेश जाने महिलाको संख्या बढेको छ । वैदेशिक रोजगार विभागका महानिर्देशक कमलप्रसाद भट्टराईका अनुसार गत आर्थिक वर्ष २०८१ ८२ मा नेपालबाट रोजगारीका लागि विदेश जाने महिलाको संख्या ११ प्रतिशतले बढेको हो । 

महानिर्देशक भट्टराईका अनुसार विदेश जाने महिलाको संख्या आर्थिक वर्ष २०७७/७८ मा ६.८७ प्रतिशत, २०७८/७९ मा ७.७९ प्रतिशत, २०७९/८० मा ९.३५ प्रतिशत र २०८०/८१ मा ११ प्रतिशत भन्दा बढी छ । 

महिलाहरुको वैदेशिक रोजगारीमा सहभागिता दर क्रमिक रुपले बढ्दै गएको भन्दै कतिपय मुलुकमा श्रम स्वीकृति दिएर जान रोक लगाइए पनि अवैधानिक बाटोबाट जाने गरेको बताएका छन् । उनले वैधानिक रुपबाट वैदेशिक रोजगारीमा जानेहरु विभिन्न शोषण र समस्यामा पर्ने गरेको बताएका छन् ।

त्यस्तै, पछिल्लो समयमा संस्थागत रुपले जाने भन्दा व्यक्तिगत रुपमा जाने दर बढिरहेको भन्दै भट्टराईले संस्थागत भन्दा व्यक्तिगत रुपमा जाने श्रमिकहरू बढी ठगिरहेको बताएका छन् ।