काठमाडौँ । युवराज पौडेल (सफल) ले प्रधानमन्त्री केपी शर्मा ओलीविरुद्ध उजुरी दिएका छन् । उनले जिल्ला प्रहरी परिसर काठमाडौँमा हुलाकमार्फत प्रधानमन्त्रीविरुद्ध उजुरी दिएका हुन् ।
उजुरीमा युवराजले प्रधानमन्त्रीले पदमा रहँदा शक्तिको दुरुपयोग गर्दै मानव तस्करी गरेको आरोप लगाएका छन् ।
उनले उजुरीमा प्रधानमन्त्रीसहित गृहमन्त्री रमेश लेखक लगायत पूर्वगृहमन्त्री गरी १६ जनाको नाम पनि उल्लेख गरेका छन् । प्रधानमन्त्रीसँगै उनीहरुले पनि शक्तिको दुरुपयोग गरेको सफलले उजुरीमा आरोप लगाएका छन् ।
उजुरीमा सफलले उपसभामुख इन्दिरा राना, पूर्व गृहमन्त्रीहरू बामदेव गौतम, कृष्ण सिटौला, भीम रावल, विजयकुमार गच्छदार, शक्तिबहादुर बस्नेत, विमलेन्द्र निधी, बालकृष्ण खाण, रवि लामिछाने, रामबहादुर थापा, नारायणकाजी श्रेष्ठ र पूर्व श्रममन्त्री डोलप्रसाद अर्याललाई पनि पक्राउ गरेर अनुसन्धान गर्न माग गरेका छन् । यता प्रधानमन्त्रीसहित १६ जनाविरुद्ध उजुरी आए पनि आधिकारिक दर्ता हुन नसक्ने प्रहरीले जनाएको छ ।
