काठमाडौँ । व्यवसायी दुर्गा प्रसाईंले जेल (कारागार) युनिभर्सिटी भएको बताएका छन् । सोमबार राती अदालतको आदेश अनुसार धरौटीमा रिहा भएपछि प्रसाईंले यस्तो बताएका हुन् ।
‘जेल युनिभर्सिटीजस्तो रहेछ । म जस्तो मान्छे जेल जानु पनि पर्ने रहेछ ।’, उनले भने, ‘जेलमा बस्दा धेरै कुरा सिक्न पाएँ । जेल भनेको अनुसाशन पनि रहेछ ।’
ृतीनकुने घटना प्रकरणमा पक्राउ परेका प्रसाईंलाई पाटन उच्च अदालतको आदेशपछि रिहा गरिएको हो । उनीसँग उच्च अदालतले दुई वटा मुद्दामा २८ लाख रुपैयाँ धरौटी माग गरेको थियो ।
उच्च अदालतले प्रसाईंलाई तीनकुने घटनाका सम्बन्धमा रु तीन लाख र बैंकिङ कसुर मुद्दामा रु २५ लाख धरौटी माग गरेको थियो । अदालती प्रक्रिया पूरा भएपछि कारागारले सोमबार राति प्रसाईलाई रिहा गरेको हो ।
