काठमाडौँ । कृषि विकास बैंकको अध्यक्ष एमाले कार्यकर्ता डिम प्रसाद पौडेल नियुक्त भएका छन् । बैंकको आज (बुधबार) बसेको सञ्चालक समितिको बैठकले पौडेललाई अध्यक्ष नियुक्त गर्ने निर्णय गरेको हो । 

उनलाई यसअघि अर्थ मन्त्रालयले बैंक सञ्चालक समितिको अध्यक्ष हुनेगरि सञ्चालकमा नियुक्त गरेको थियो । 

नेपाल वायुसेवा निगमका पूर्वमहाप्रबन्धक समेत रहेको पौडेलले चितवन मेडिकल कलेज, नेपाल क्यान्सर अस्पताल लगायतका संस्थाको नेतृत्व सम्हालिसकेका छन् । उनी भेन्चर क्यापिटल र ब्लु स्काई इनर्जी लिमिटेडमा समेत अध्यक्ष रहेको थिए ।