काठमाडौँ । घुस लिएको आरोपमा सिरहाको कल्यापुर नगरपालिकाका मेयरविरुद्द भ्रष्टाचार मुद्दा दायर भएको छ । एक लाख रुपैयाँ घुस लिएको आरोपमा अख्तियार दुरुपयोग अनुसन्धान आयोगले नगरपालिकाका मेयर राम पुकार साह तेलीविरुद्ध मुद्दा दायर गरेको हो ।
उनले नगरपालिकाको वडा नम्बर ६ मा निर्माण गरिएको नालाको ठेक्का वापतको भुक्तानी दिनेक्रममा एक लाख रुपैयाँ घुस लिएको पुष्टि भएको विभागले दावी गरेको छ ।
शुक्रबार मेयर साहविरुद्ध भ्रष्टाचार निवारण ऐन, २०५९ अनुरुप एक लाख रुपैयाँ बिगो कायम गरी जरिबाना र कैद सजायको माग गर्दै विशेष अदालत, काठमाडौंमा आरोप पत्र दायर गरिएको विभागले जनाएको छ ।
