काठमाडौँ । भ्रष्टाचार आरोपी सुनिल पौडेललाई धरौटीमा छोड्न अदालतले आदेश दिएको छ । राष्ट्रिय सूचना प्रविधि केन्द्रका तत्कालीन कार्यकारी निर्देशक पौडेललाई एक लाख रुपैयाँ धरौटीमा छोड्न विशेष अदालतले आदेश दिएको हो ।
विशेष अदालतका अध्यक्ष टेकनारायण कुँवर र सदस्यहरु मुरारीबाबु श्रेष्ठ र विदुर कोइरालाको इजलासले पौडेललाई एक लाख धरौटीमा छोड्न आदेश दिएको हो ।
पौडेलमाथि केन्द्रमा हुँदा करिब १६ करोड रुपैयाँ भ्रष्टाचार गरेको आरोप लागेको छ । विशेष अदालतले एक लाख धरौटीमा मागे पनि उनीविरुद्ध अन्य भ्रष्टाचार मुद्दामा थुनामा पठाउने आदेश जारी भएकाले उनी थुनामुक्त हुने छैनन् ।
