काठमाडौँ । फाइटर रविन्द्र ढाँटलाई सरकारले पाँच लाख पुरस्कार दिने भएको छ । म्याट्रिक्स फाइट नाइट १७ बान्टमवेट च्याम्पियन बनेका बझाङका रवीन्द्र ढाँटलाई सरकारले पुरस्कारस्वरुप पाँच लाख रुपैयाँ दिने निर्णय गरेको हो ।
सोमबार बसेको मन्त्रिपरिषद् बैठकले ढाँटलाई प्रोत्साहनस्वरुप पाँच लाख रुपैयाँ नगद पुरस्कार दिने निर्णय गरेको प्रधानमन्त्री केपी शर्मा ओलीले जनाएका छन् ।
प्रधानमन्त्री ओलीका अनुसार ढाँटसँगै सरकारले ढाँटका प्रशिक्षकलाई पनि दुई लाख रुपैयाँ प्रदान गर्ने निर्णय गरेको छ । ढाँट भारतमा भएको प्रतिस्पर्धामा भारतका च्याम्पियन चुनरेङ कोरेनलाई पराजित गर्दै च्याम्पियन बनेका थिए ।
